სოციალურ ქსელში ვიდეომიმართვაც გამოაქვეყნა მიხეილ სააკაშვილმა, სადაც კადრებში აჩვენებს მიმდებარე ტერიტორიას, ამტკიცებს, რომ უკვე ბათუმშია და მიმართავს ამომრჩევლებს არჩევნებზე მისვლისა და ოპოზიციისთვის ხმის მიცემისკენ:
„აი, ეს არის ჩემი ბათუმი. 2-ში უნდა მივიდეთ არჩევნებზე, მივცეთ ხმა „ნაციონალურ მოძრაობას“ და არავითარ შემთხვევაში არც ივანიშვილს, არც გახარიას, არც ვიღაც მათ სატელიტებს. თუ “ნაციონალური მოძრაობა” არ მოგწონთ, ხმა მიეცით შედარებით პატიოსან პატარა პარტიებს.
აქ უნდა ყოფილიყო ჩემი ბათუმის ამერიკული ტექნოლოგიური უნივერსიტეტი, რომელიც გაანადგურეს.
დღეს ვაქცინაც გვექნებოდა და არც კოვიდით დაგვეხოცებოდა ამდენი ხალხი.
ძალიან მენატრებოდა აქაურობა. ეს არის ჩემო ოცნების ასრულება. საბოლოოდ კი ეს ასრულდება, როცა საქართველო დადგება ფეხზე.
დღეს აქ მხოლოდ სახლებს აშენებენ რუსებისთვის და სადაც ესაა, იქ არსად არაა განვითარება და წინსვლა.
საქართველოდან გარბის ხალხი. 50%-ით გაიზარდა აპლიკაციების რიცხვი, ევროკავშირის მონაცემებით.
ჩვენ უნდა მივიდეთ 2 ოქტომბერს, ხმა მივცეთ ყველამ. 3-ში კი შევიკრიბოთ, რუსთაველი და თავისუფლების მოედანი გავავსოთ. თუ ვიქნებით 100 ათასი ადამიანი, ჩვენ ვერავინ დაგვამარცხებს და საქართველო ისევ დაადგება განვითარების გზას.
აბა თქვენ იცით, თქვენ იმედზე ვარ. ხომ ხედავთ, ყველაფერი გავრისკე, ჩემი სიცოცხლეც, ჩემი თავისუფლებაც, რათა ჩამოვსულიყავი აქ და მხოლოდ ერთი რამ მინდა – მიდით არჩევნებზე.
ნუ შეგეშინდებათ, ნუ ჩამოუშვებთ ხელებს, ყველაფერი გამოგვივა.
მომავალ შეხვედრამდე, სულ მალე თბილისში“, – აცხადებს მიხეილ სააკაშვილი ვიდეომიმართვაში.
