პრემიერ-მინისტრმა ირაკლი ღარიბაშვილმა მედიასთან საუბრისას სუს-ის უფროსთან, გრიგოლ ლილუაშვილთან დაკავშირებით ისაუბრა, მიაჩნია რომ იგი უწყების ღირსეული ხელმძღვანელია, მადლობა გადაუხადა მას და სამსახურის მთლიან შემადგელობას პატრიოტიზმისა და ქვეყნის სამსახურისათვის:
,,ჩვენ გვყავს ძალიან ღირსეული სახელმწიფო უსაფრთხოების სამსახურის ხელმძღვანელი – ბატონი გრიგოლ ლილუაშვილი.
მე მინდა, სამსახურის თითოეულ თანამშრომელს მადლობა ვუთხრა მათი პატრიოტიზმისთვის და სამსახურისთვის ჩვენი ქვეყნისადმი.
მე მინდა ყველას მოგიწოდოთ, რომ როცა საქმე ეხება ისეთ მნიშვნელოვან ინსტიტუტს, როგორიც არის სახელმწიფო უსაფრთხოების სამსახური, ის თანამშრომლები, რომლებიც 24 საათის განმავლობაში ემსახურებიან ჩვენ ქვეყანას, მოსახლეობის უსაფრთხოებას, სიმშვიდეს – პატივი უნდა ვცეთ და მადლობა უნდა გადავუხადოთ – ეს ერთი.
მეორე, – მე მინდა გამოვხატო ჩემი პოზიცია, ბუნებრივია, გამოძიება დაადგენს, მოახდენს იდენტიფიცირებას რა იყო აქედან შესაძლოა კანონიერი, კანონის ფარგლებში განხორციელებული მოსმენები, რა არის ფაბრიკაცია. ამის შემდეგ ყველა კითხვას გაეცემა პასუხი”, – განაცხადა ირაკლი ღარიბაშვილმა.
ავტორი
ნინი ხიჯაკაძე
