„მესამე ძალა – სტრატეგია აღმაშენების“ ლიდერი გიორგი ვაშაძის თქმით “ქართული ოცნების” მთელი კამპანია აგებულია იმაზე, რომ თუ ცვლილებები იქნება, ეს გამოიწვევს ქაოსს ქვეყანაში. ვაშაძეს მიაჩნია, რომ „მესამე ძალა – სტრატეგია აღმაშენებელი“ არის გარანტი იმის, რომ ცვლილებების შემთხვევაში ქვეყანაში დასრულდება დაპირისპირება და დაიწყება ქვეყნის სწრაფი განვითარება:
„ხშირად გვეუბნებიან, რომ ჩვენზე არაფერია დამოკიდებული, გვეუბნებიან, რომ ქვეყნის ბედს ერთი ან მეორე ბელადი განსაზღვრავს, არ დაუჯეროთ მათ ვინც ნიჰილიზმს ნერგავს თქვენში.
“ქართული ოცნების” მთელი კამპანია აგებულია იმაზე, რომ თუ ცვლილებები იქნება, ეს გამოიწვევსს ქაოსს ქვეყანაში.
ჩვენ “მესამე ძალა – სტრატეგია აღმაშენებელი” ვართ გარანტი იმის, რომ ცვლილებების შემთხვევაში საქართველოში ცხოვრება იქნება მშვიდი და სტაბილური, ვართ გარანტი იმის, რომ საქართველოში დასრულდება დაპირისპირება და დაიწყება ქვეყნის სწრაფი განვითარება.
ჩვენი მიზანია, რომ თითოეულმა ქვეყნის წინსვლა თითოეულმა მოქალაქემ საკუთარ თავზე იგრძნოს“ – აცხადებს გიორგი ვაშაძე.
ინფორმაციას პოლიტიკური პლატფორმა “გიორგი ვაშაძე – მესამე ძალა – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
