პარტია ,,ქართული ოცნების“ თავმჯდომარე ირაკლი კობახიძე კომენტარს აკეთებს ევროკავშირის ოფისთან მომხდარი დაპირისპირების შესახებ ,,ერთიანი ნაციონალური მოძრაობის“ თავმჯდომარესთან, ნიკა მელიასთან. მმართველი პარტიის ლიდერს მიაჩნია, რომ ევროკავშირის ელჩის მხრიდან გაკეთებულ განცხადებაში სათანადოდ არ იყო შეფასებული მელიას ქმედება, რაც შეიძლება გახდეს მორიგი პროვოკაციის წინაპირობა:
,,ნიკანორ მელიას ქმედება უნდა შეფასებულიყო. მან შეურაცხყოფა მიაყენა, ამ შემთხვევაში, ევროკავშირის ოფისსაც. იმიტომ, რომ ის შედიოდა ევროკავშირის ოფისში.
როდესაც ასეთ რაღაცას აკეთებს ფორმალური თავმჯდომარე, თუნდაც, მთავარი ოპოზიციური პარტიის – ეს, რა თქმა უნდა, საჭიროებს ძალიან მძიმე შეფასებას. თუმცა, ჩვენ ასეთი შეფასება ვერ გვაქვს.
როდესაც ასეთი მძიმე პროვოკაცია ხორციელდება ამას სჭირდება შესაბამისი შეფასება! როდესაც ასეთი შეფასება არ არის სახეზე – ასეთ შემთხვევაში, ეს მელიასნაირმა ადამიანმა შეიძლება მიიღოს, როგორც მწვანე შუქი შემდეგ პროვოკაციებზე“, – განაცხადა ირაკლი კობახიძემ.
ავტორი
ნინი ხიჯაკაძე
