სამშაბათი, ივლისი 23, 2024

მადლობა და მოწიწება მათ, ვინც უარი უთხრა ივანიშვილს ზუგდიდში – ბაჩუკი ქარდავა

ზუგდიდში ჩატარებულ არჩევნებს შეფასებას აძლევს გაერთიანებული ოპოზიცია “ძალა ერთობაშიას” წევრი, ედპ-ს თავმჯდომარე ბაჩუკი ქარდავა და მადლობას უხდის მათ, ვინც სანდრა რულოვსს დაუჭირა მხარი:

არ ვიცი, რამდენად სწორია მადლობის თქმა, როცა ქვეყნის ყოფნა არ ყოფნის საკითხი დგას, გადარჩენის, განვითარების სასარგებლოდ გაკეთებული გაბედული არჩევანისთვის, მაგრამ არ შემიძლია მადლობა და მოწიწება არ გამოვხატო იმ 24000 ადამიანის მიმართ, რომელმაც უარი უთხრა ივანიშვილს ზუგდიდში! დამერწმუნეთ, იმ პირობებში, როცა ზუგდიდის მერი აარჩევინეს სხვა რაიონებიდან ხელოვნურად გადმოწერილ ამომრჩეველს და ყალბი პირადობებით აღჭურვილ სპეც.აგენტებს, რეალურად თქვენ ხართ უმრავლესობა და არც კიდევ 42% ჩემო ზუგდიდელებო, როგორც ეს ცსკომ შემოგვთავაზა!

მადლობა იმათაც ვისაც ჩამოართვეს, ან კიდევ მოპარეს პირადობები და ამის შესახებ ყველამ ყველაფერი იცის ზუგდიდში!

მადლობა იმისთვის, რომ თქვენ არ გენდნენ გამყალბებლები და მოძალადეები!

განსაკუთრებული მადლიერება მინდა გამოვხატო ყველა ჩვენი აქტივისტის, თუ მხარდამჭერის მიმართ, ვინც პირადი რისკის ფასად, უანგაროდ იბრძოდა მთელი კამპანიის განმავლობაში, მაშინ, როდესაც თქვენ გიპირისპირდებოდათ ივანიშვილის ფულთან ერთად, მთელი ძალოვანი სისტემა!

მესმის ქვეყანა მძიმე გამოწვევების წინაშე დგას და დრო ძალიან ცოტა გვაქვს, მაგრამ ისიც აშკარაა, რომ ივანიშვილი სულ უფრო და უფრო ძვირ ფასს იხდის თითოეულ ყალბ ,,გამარჯვებაში”, ყველაფერს აქვს დასასრული და ეს რეჟიმიც მალე დასრულდება!

მორჩა, ბოლო შებრძოლებაღა დარჩა და აშკარაა, რომ დღეს ჩვენს მხარეს არა მხოლოდ სიმართლე, არამედ ძალაცაა, ძალა ერთობაშია და ეს ერთობა ქართველი ხალხია!” – წერს ფეისბუკის პირად გვერდზე ბაჩუკი ქარდავა.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული