პრემიერ-მინისტრი ირაკლი ღარიბაშვილი “მთავარი არხის” ოპერატორთან დაკავშირებით მომხდარი ინციდენტის კომენტირებისას აცხადებს, რომ საქმე გვაქვს პროვოკატორებთან და საქართველოში მედია აბსოლუტურად თავისუფალია:
,,ვუერთდები ირაკლი კობახიძის განცხადებას და მოწოდებას ჩვენი პარტიისადმი, რომ მაქსიმალურად ფრთხილად უნდა მოვიქცეთ ვინაიდან ვიცით, რომ ძალიან მძიმე პროვოკატორებთან გვაქვს საქმე, რომლებიც ყველაფერზე მიდიან და ყველაფერს გააკეთებენ, რომ რაიმენაირად ეს მშვიდი საარჩევნო გარემო და პროცესი დააზიანონ.
მე გეტყვით, რომ, რა თქმა უნდა, ჩემთვის არის მიუღებელი პროვოკაციული მივარდნებიც, ძალადობაც მიუღებელია, აი ეს პროვოკაციული შეკითხვებიც მიუღებელი არის, მაგრამ უნდა შევთანხმდეთ, რომ ყველამ ერთად უნდა ვუპატრონოთ ჩვენს ქვეყანას.
ქვეყანა უნდა დავამშვიდოთ, დავაწყნაროთ, არჩევნები მშვიდად ჩავატაროთ და შემდეგი სამი წელი უნდა იყოს აღმშენებლობის წლები.
საქართველოში, 2012 წლის 1 ოქტომბრის შემდეგ, მედია არის აბსოლუტურად თავისუფალი. 14 დღეში შეგიძლიათ, რომ გახსნათ ტელევიზია და ამის მაგალითი ხართ თქვენ (მიმართა ,,მთავარ არხს”), – განაცხადა ირაკლი ღარიბაშვილმა.
ავტორი
ნინი ხიჯაკაძე
