საქართველოს ხელისუფლების მიერ ევროკავშირის დახმარებაზე უარის თქმა ფართო განხილვის საგანი გახდა. აღნიშნულ საკითზე კომენტარი გააკეთა პრემიერ-მინისტრმა ირაკლი ღარიბაშვილმა და ევროპარლამენტარების საპასუხოდ განაცხადა, რომ “ევროპარლამენტი არ არის ჩვენი უფროსი. ჩვენი უფროსი არის ქართველი ხალხი“. პრემიერის და მმართველი გუნდის პოზიცია მწვავედ გააკრიტიკა პარლამენტის ფრაქცია ,,ლელო – პარტნიორობა საქართველოსთვის“ წევრმა ანა ნაცვლიშვილმა:
,,ჩვენ ვიცით ვინ არის ღარიბაშვილის უფროსი – ეს არის ბიძინა ივანიშვილი. ამიტომ არ გამკვირვებია ის განცხადება, რომ რასაკვირველია, მისი თავი ასე მუშაობს.
სასამართლო არა თუ გააუმჯობესა ,,ქართულმა ოცნებამ“, არამედ იმაზე უფრო მძიმე ვითარებაში შეიყვანა, ვიდრე წინა ხელისუფლებისგან მიიღო მემკვიდრეობით. რატომ? – იმიტომ, რომ ის მოსამართლეები და ის მანკიერებები, რომლებიც ,,ქართულმა ოცნებამ“ გადმოიბარა წინა ხელისუფლებისგან, დატოვა ადგილზე და მეტიც, უვადოდ დანიშნა ეს ხალხი.
ეს არის რეალობა და მოცემულობა, დანარჩენი ეს არის ღარიბაშვილის ფანტაზიები“, – განაცხადა ანა ნაცვლიშვილმა.
ავტორი
ნინი ხიჯაკაძე
