ქვეყანაში შექმნილი მძიმე ეპიდსიტუაციის შესახებ გააკეთა კომენტარი „დაავადებათა კონტროლისა და საზოგადოებრივი ჯანმრთელობის ეროვნული ცენტრის“ ხელმძღვანელმა ამირან გამყრელიძემ და საზოგადოებას რეგულაციების დაცვისკენ მოუწოდებს:
“ეპიდსიტუაცია საკმაოდ რთულია. მიუხედავად იმისა, ყველა ნიშანია, რომ ჩვენ ეს მეოთხე ტალღა გადავიარეთ, თვითდამშვიდებას მაინც არ უნდა მივეცეთ. ანუ, მოკლედ რომ გითხრათ, პიკს გადავდივართ და ალბათ უკვე დავეშვებით თანდათან ქვემოთ, თუ რამე სერიოზული ბუსტერი არ გაჩნდა ქვეყანაში.
თითოეულმა ჩვენგანმა უნდა გავითავისოთ, რომ სერიოზული მდგომარეობაა და ყველამ ვატაროთ ყველგან პირბადე.
ამდენს ვსაუბრობთ რომ პირბადის ტარების მაჩვენებელი უნდა იყოს 75%, და კიდევ უფრო მეტი, პირიქით, უფრო უგულებელვყოფთ ამ ყველაზე ძლიერ დამცველ საშუალებას და 50%-ს დაბლა ჩამოდის,” – განაცხადა ამირან გამყრელიძემ “რუსთავი 2-ის ეთერში”.