,,ერთიანი ნაციონალური მოძრაობის“ თავმჯდომარე ნიკა მელია საუბრობს, რომ პასუხისმგებლო არჩევნების უსაფრთხო გარემოში ჩატარების შესახებ ეკისრება ხელისუფლებას, რადგან საკოორდინაციო საბჭოში არიან პროფესიონალი ექიმები, რომლებმაც უნდა გააცნონ პროგნოზი:
,,ნაციონალურ მოძრაობას“ და არცერთ ოპოზიციურ პარტიას არჩევნების გადადება კი არ უნდა, არავის არ უთქვამს ეს. უბრალოდ, ჩვენი პოზიციაა, ჩემი პირადად, რომ საკოორდინაციო საბჭოში, რომელშიც შედიან ქვეყნის მთავარი ეპიდემიოლოგები, ანუ პროფესიონალი ექიმები, მათ უნდა გვითხრან, მხოლოდ ისინი არიან უფლებამოსილნი გვითხრან, რა პროგნოზს აკეთებენ? როგორ ხედავენ მომდევნო 1 თვის, როგორც მინიმუმ განვითარებას.
იმის მაგივრად, რომ საუბრობდნენ, როგორ დაამარცხებენ პანდემიას, რომელიც დღეში 60-70 ადამიანს გვაკარგვინებს მათივე უმოქმედობით, ისინი პროპაგანდისტულად საუბრობენ 24 საათის განმავლობაში, რომ ოპოზიციას დაამარცხებენ და არც ერთი სიტყვა იმაზე, თუ როგორ დაამარცხებენ პანდემიას?!“, – განაცხადა ნიკა მელიამ.
ავტორი
ნინი ხიჯაკაძე
