“თითოეულ ოჯახზე ხდება ზეწოლა, რომ მათ უნდა მიიტანონ მოქმედი ხელისუფლების სასარგებლოდ 200-დან 300 ხმამდე” – მალხაზ მაჩალიკაშვილი

პანსიკისის ხეობაში, ტერორისტული დაჯგუფების წევრობის ბრალდებით 5 პიროვნება დააკავეს. ფაქტთან დაკავშირებით კომენტარი გააკეთა მალხაზ მაჩალიჩაკაშვილმა, რომელიც აცხადებს, რომ ამ სახის დაჭერები წინასაარჩევნოდ კონკრეტული მიზნით ხდება ხოლმე:

,,რა ინფორმაციასაც მე ვფლობ, არ არის ამოღებული არანაირი კანონსაწინააღმდეგო არაფერი, უბრალოდ ამოიღეს ტელეფონი, კომპიუტერი და ასეთ რამეს ესენი სადაც შედიან ყველგან აკეთებენ, ხომ?

რაც შეეხება სპეცოპერაციას, მე რომ მკითხოთ, ყოველთვის წინასაარჩევნოდ ხდება პანკისის ხეობაში რამდენიმე ახალგაზრდის დაჭერა.

თითოეულ ოჯახზე ხდება ზეწოლა, რომ მათ არჩევნებზე უნდა მიიტანონ მოქმედი ხელისუფლების სასარგებლოდ 200-დან 300 ხმამდე.

თუ ჰქონდათ რამე მტკიცებულებები, მაშინ ადრევე უნდა დაეკავებინათ ან არჩევნების შემდეგ“, – განაცხადა მალხაზ მაჩალიკაშილმა.

სახელმწიფო უსაფრთხოების სამსახური სპეციალურ განცხადებას ავრცელებს კონტრტერორისტული ცენტრის თანამშრომლების მიერ კახეთის რეგიონში ჩატარებული სპეციალური ღონისძიებების შესახებ, რა დროსაც საქართველოს ხუთი მოქალაქე დააკავეს:

“ჩატარებული სპეციალური ღონისძიებების შედეგად, სასამართლოს განჩინების საფუძველზე, საქართველოს ხუთი მოქალაქეა დაკავებული” – სუს-ის განცხადება

ავტორი
ნინი ხიჯაკაძე