ახალქალაქის, კუმურდოს და კარის მიტროპოლიტი მეუფე ნიკოლოზი (ფაჩუაშვილი) ვაქცინაციის პროცესს ეხმიანება და აღნიშნავს, რომ მიუღებელია ერთმანეთისთვის აცრის იძულება. ასევე აცხადებს, რომ ,,ანტივაქსერული მოძრაობა ძალიან ფართო მასშტაბიანია მთელ მსოფლიოში. თუ ამაში ჩვენი სასულიერო პირები მონაწილეობენ – მე ეს არ მიმაჩნია გამართლებულად“:
,,მე პირადად ვთვლი, რომ არ შეიძლება ერთმა ადამიანმა მეორეს აცრა დააძალოს, არანაირი მოტივაციით. მეორეს მხრივ, მე პირადად მიმაჩნია, რომ, ასე ვთქვათ, ვაქცინაციის დემონიზაცია ეს არის სრულებით მიუღებელი. ყოველგვარი მცდელობა, რომ ვაქცინაში რაიმე ე.ი. ეშმაკისეული რაღაცა ჩავტეხოთ შიგნით შინაარსი, რაც არ არის სამედიცინო შინაარსის თემაა.
ასე, რომ ყველა ადამიანმა თვითონ გადაწყვიტოს აიცრება თუ არ აიცრება!
მე პირადად გავიარე კონსულტაცია ექიმთან და არ მირჩია აცრა.
რაც შეეხება მოწოდებას ვაქცინაციზე და ნდობას. თქვენ (ჟურნალისტებს მიმართავს) რატომ არ მოუწოდებთ?! იმიტომ, რომ არაა თქვენი პროფესია.
ჩვენ კი ნდობა იმიტომ გვაქვს, რომ არასწორ განცხადებებს არ ვაკეთებთ და არ ვიჭრებით სხვა სფეროში. როცა ვიჭრებით აი, მაშინ უკვე ვკარგავთ ამ ნდობას. ეს იქნება პოლიტიკა თუ მედიცინა.
ანტივაქსერული მოძრაობა ძალიან ფართო მასშტაბიანია მთელ მსოფლიოში. თუ ამაში ჩვენი სასულიერო პირები მონაწილეობენ – მე ეს არ მიმაჩნია გამართლებულად“, – მეუფე ნიკოლოზი.
ავტორი
ნინი ხიჯაკაძე
