“ქართული ოცნების” გასვლას შარლ მიშელის შეთანხმებიდან ეხმიანება ანალიტიკოსი, პოლიტოლოგი გია ხუხაშვილი და თავისი გადასახედიდან მოსალოდნელ სცენარებზე საუბრობს:
“როგორ უყურებს დასავლეთი ხელისუფლების მხრიდან ხელშეკრულებიდან ცალმხრივად გასვლას და რას უნდა ველოდოთ?
სახელშეკრულებო სამართალი არ ცნობს უპირობოდ ხელშეკრულებიდან ცალმხრივად გასვლას.
დასავლეთი არ იწყებს მოქმედებას, რადგან სამართლებრივი გაგებით ჯერ არ დამდგარა 43%-იანი ბარიერის ამოქმედების საჭიროება.
თუ ეს საჭიროება დადგა, იქნება დადებული ხელშეკრულების აღსრულების მოთხოვნა. არშესრულების შემთხვევაში, უნდა იქნას ანაზღაურებული სხვა მხარეებისთვის მთელი ზარალი პლუს სავარაუდო გაშვებული მოგება.
ასე მუშაობს ეს ბიზნესშიც და პოლიტიკაშიც.
ასე რომ, ნუ მიაქცევთ ყურადღებას კობახიძის ბჟუტურს და თუ ხელისუფლებამ 43%-იანი ბარიერი ვერ გადალახა და პირობა არ შეასრულა, დაელოდოს არმაგედონს…“, – წერს ფეისბუქის პირად გვერდზე გია ხუხაშვილი.
