“დიდი ბომბი აღმოჩნდა “ქართული ოცნების” ხელში, რომელზეც აფეთქდნენ კიდევაც ისინი” – სერგო ჩიხლაძე

აშშ-ს საელჩოს განცხადებას და ელჩი კელი დეგნანის შეფასებებს ეხმიანება ,,სტრატეგია აღმაშენებლი“ პოლიტიკური საბჭოს წევრი სერგო ჩიხლაძე. მისი განმარტებით “ქათული ოცნება” გადაიხდის შესაბამის პოლიტიკურ ფასს, თუკი არ დაუბრუნდება შარლ მიშელის შეთანხმებას:

,,ამ ხელშეკრულებას დიდი მნიშვნელობა ჰქონდა. დიდი ბომბი აღმოჩნდა, პირდაპირ ვიტყვი, ,,ქართული ოცნების“ ხელში, რომელზეც აფეთქდნენ კიდევაც ისინი.

მცდელობა უნდა იყოს, რომ დაბრუნდეს ,,ქართული ოცნება“ ამ შეთანხმებაში. წინააღმდეგ შემთხვევაში მმართველი გუნდი, რა თქმა უნდა, გადაიხდის პოლიტიკურ ფასს ამაზე, საერთაშორისო არენაზე“, – განაცხადა სერგო ჩიხლაძემ.

ავტორი
ნინი ხიჯაკაძე