შარლ მიშელის შეთანხმებიდან გასვლის თაობაზე მმართველი პარტიის მიერ მიღებული გადაწყვეტილების შეფასებას ახდენს საზოგადოებრივი არხის სამეთვალყურეო საბჭოს წევრი, ჟურნალისტი ბონდო მძინარაშვილი და იგი აბსოლუტურად სწორ გადაწყვეტილებად მიაჩნია:
“ქართულმა ოცნებამ” აბსოლუტურად სწორი გადაწყვეტილება მიიღო, როცა ე. წ. შარლ მიშელის 19 აპრილის შეთანხმება გაანულა.
ამის თაობაზე 8 ივნისს დავწერე და მაშინაც ვიკითხე, – რატომ იყო ვალდებული მმართველი პარტია, შეთანხმების პირობები და, მით უმეტეს, 43%-იანი დათქმა შეესრულებინა, როცა შეთანხმებას ხელს არ აწერდა ყველა პოლიტიკური სუბიექტი და, მათ შორის, უკიდურესად დესტრუქციული “ნაციონალური მოძრაობა”, რომელიც იმ დროისთვის პარლამენტშიც არ შედიოდა და ყველაზე მეტადაც მოიგებდა, თუკი “ქართული ოცნება” შეთანხმებაში დარჩებოდა.
მომდევნო კვირებმა და პარლამენტში განვითარებულმა პროცესებმა ნათლად გვიჩვენა, რომ მიშელის შეთანხმება იყო ხაფანგი “ქართული ოცნებისთვის”!
ახლა კი, სრული სიცხადისთვის:
ბონდო მძინარაშვილი კი არ არის “ქართულ ოცნებასთან” ან სხვა რომელიმე პარტიასთან აფილირებული ჟურნალისტი, არამედ ჟურნალისტ ბონდო მძინარაშვილთან არის აფილირებული ყველა პარტია და მოძრაობა, ვისაც სამშობლოსთვის უძგერს გული!
ეს მთავართამამ გვარამიას და ნაცსექტანტების გასაგონად!
და თვალი ადევნეთ ჩემს ფეისბუქ-პოსტებს და სატელევიზიო გამოსვლებს, – კიდევ ბევრ დისკურსს გავხსნი, როგორც აქამდე!” – წერს ფეისბუქის პირად გვერდზე ბონდო მძინარაშვილი.
ბონდო მძინარაშვილის მიერ სოციალურ ქსელში ა.წ. 8 ივნისს გამოქვეყნებული პოსტი:
