საგამოძიებო კომისიის დასკვნა ცნობილია. კანონმდებლები საკითხის განხილვას ხვალ, 26 ივლისს რიგგარეშე პლენარულ სხდომაზე მოახდენენ, თუმცა ოპოზიცია ამ კომისიას უნდობლობას უცხადებს. აღნიშნულ საკითხთან დაკავშირებით კომენტარი გააკეთა ,,სტრატეგია აღმაშენებლის“ პოლიტსაბჭოს წევრმა, საპარლამენტო ფრაქცია ,,შარლ მიშელის რეფორმების ჯგუფის“ აპარატი ხელმძღვანელმა, სერგო ჩიხლაძემ:
,,ამ კომისიას ოპოზიციამ თავიდანვე გამოვუცხადეთ უნდობლობა. რა თქმა უნდა, პარლამენტის სხდომას არ დავესწრებით იმიტომ, რომ არანაირი ნდობა არ იყო ამ კომისიისადმი. ახლა ბოლო სხდომა იქნება თუ ბოლოს წინა სხდომა, ვერ ვხედავთ აზრს ამაზე დასწრების.
არც ერთი ჩვენი საჩივარი, ჯერ კიდევ ნოემბრიდან მოყოლებული, არაფერზე რეაგირება არ ყოფილა. ყველაფერს რომ თავი დავანებოთ, ყველასთვის ნაცნობი კადრები, როდესაც კომისიის წევრი ,,ოცნებიდან“ ყრიდნენ ბიულეტენებს. გამოძიებულია? ვინმე დაკითხულია? ვინმე დაკავებულია? – არა, რა თქმა უნდა! შესაბამისად რა ნდობა, რა მოლოდინი უნდა გვქონდეს ასეთი კომისიისადმი“, – განაცხადა სერგო ჩიხლაძემ.
ავტორი
ნინი ხიჯაკაძე
