“ამ ქალაქში სიძულვილის და ზიზღის ადგილი აღარ უნდა იყოს” – ნიკა მელია

დღეს დილით თბილისის სხვადასხვა ადგილას უნებართოდ გაკრულ პლაკატებთან დაკავშირებით შეფასებები გააკეთეს პოლიტიკოსებმა. პოზიცია დააფიქსირა “ერთიანი ნაციონალური მოძრაობის” თავმჯდომარემ, ნიკა მელიამ:

“ეს ქალაქი არის და უნდა იყოს ყველასი, გარდა სიძულვილისა. ამ ქალაქში სიძულვილის და ზიზღის ადგილი აღარ უნდა იყოს.

ჩვენ უნდა გავაცნობიეროთ, რომ ჩვენი შვილები, ჩემი შვილი, რომელიც წელს სკოლაში მიდის, კახი კალაძის შვილები და სხვები ერთად უნდა ცხოვრობდნენ და ერთად მოუწევთ მათ ამ ქალაქში ცხოვრება, ერთ უნივერსიტეტებში, საერთო სკოლებში, სპორტულ დარბაზებში მოუწევთ სიარული და ვარჯიში.

აქედან უნდა ამოვიდეთ და ჩვენი ფიქრი მხოლოდ ამ მიდგომას უნდა დავუქვემდებაროთ. ჩვენი ფიქრი უნდა იყოს მიმართული მომავლისკენ და მხოლოდ აქედან გამომდინარე უნდა ითქვას სიტყვაც კი, არათუ ქმედება“, – აცხადებს ნიკა მელია.