“მიუხედავად განსხვავებებისა ჩვენ მზად ვართ ერთმანეთთან ვითანამშროლოთ ქვეყნის მომავლისთვის” – ხატია დეკანოიძე

,,ერთიანი ნაციონალური მოძრაობის“ პოლიტიკური საბჭოს წევრი ხატია დეკანოიძე მედიასთან კომენტარში მომავალ თვითმმართველობის არჩევნებთან დაკავშირებით თავის პოზიციას აფიქსირებს და აცხადებს, რომ ქვეყანა არის საფრთხეში და ოპოზიციურმა პარტიებმა, მიუხედავად განსხვავებისა, უნდა ითანამშრომლონ:

,,მიუხედავად განსხვავებებისა ჩვენ მზად ვართ ერთმანეთთან ვითანამშროლოთ ქვეყნის მომავლისთვის. იმიტომ, რომ თვითმმართველობის არჩევნები არის უმნიშნელოვანესი გზა ვადამდელი არჩევნების მისაღწევად, რომ ეს ხელისუფლება ჩამოვაცილოთ მართველობას. იმიტომ, რომ ქვეყანა არის საფრთხეში.

,,ნაციონალური მოძრაობა“ თბილისში სხვა პარტიებს უთმობს სწორედ ასპარეზს მაჟორიტარულ ოლქებში. აქაც კოორდინაცია ძალიან მნიშვნელოვანია. იმიტომ, რომ ჩვენ ვიცით, მეორე ტურები აღარ არის. ამიტომ მაქსიმალურად ოპოზიციური ამომრჩეველი უნდა იყოს ერთი მაჟორიტარი კანდიდატის გარშემო გაერთიანებული და ჩვენ დავარწმუნოთ ყველა ამომრჩეველი, რომ სწორედ მივიდნენ და ამ ადამიანებს დაუჭირონ მხარი“, – განაცხადა ხატია დეკანოიძემ.

ავტორი
ნინი ხიჯაკაძე