“ხელისუფლება უზრუნველყოფს, რომ ცესკოს ყველაზე ღირსეული კანდიდატი იყოს ამ პოზიციაზე შერჩეული და თვითმმართველობის არჩევნები ჩატარდეს გამჭვირვალე, თავისუფალ, კონკურენტულ გარემოში” – არჩილ თალაკვაძე

პარლამენტის ვიცე სპიკერმა არჩილ თალაკვაძემ კომენტარი გააკეთა რიგგარეშე პლენარული სხდომის შემდეგ, სადაც ოპოზიციამ მხარი არ დაუჭირა ცესკოს თავმჯდომარეობისა და წევრობის წარმოდგენილ კანდიდატებს:

,,ოპოზიციამ ძალიან სუსტი და ვფიქრობ, გაუმართავი გადაწყვეტილება მიიღო. იმასთან დაკავშირებით, რომ ჯერ არ ჩაერთო სათანადოდ განხილვებში და კენჭისყრაში. მეორე, თავი აარიდა რეალურად, რაც შეიძლება ფართო კონსესუსით ცესკოს თავმჯდომარის კანდიდატურის დამტკიცებას.

ვფიქრობ, ეს არის პასუხისმგებლობისგან გაქცევა და კიდევ ერთხელ ჯდება გადაწყვეტილებების იმ არათანმიმდევრულობაში, რომელსაც წინა თვეების განმავლობაში ვხედავდით რადიკალური ოპოზიციის მხრიდან.

ნებისმიერ შემთხვევაში ხელისუფლება უზრუნველყოფს, რომ ყველაზე ღირსეული კანდიდატი იყოს ამ პოზიციაზე შერჩეული და თვითმმართველობის არჩევნები ჩატარდეს გამჭვირვალე, თავისუფალ, კონკურენტულ გარემოში“, – განაცხადა არჩილ თალაკვაძემ.

ავტორი
ნინი ხიჯაკაძე