“საშიშროება სერიოზულია, ეპიდსიტუაცია უარესდება, ჩვენ შევდივართ ძალიან სერიოზულ ტალღაში” – ამირან გამყრელიძე

83

„დაავადებათა კონტროლის ცენტრის“ ხელმძღვანელმა ამირან გამყრელიძემ ქვეყანაში შექმნილი ეპიდსიტუაციის შესახებ ისაუბრა ჟურნალისტებთან და აღნიშნა, რომ მდგომარეობა საგრძნობლად გაუარესდა, ამიტომ მისი შეჩერების ერთადერთი გამოსავალი არის რეგულაციების დაცვა და ვაქცინაცია:

,,საშიშროება სერიოზულია, ეპიდსიტუაცია უარესდება და ამიტომ ყველამ უნდა გავითავისოთ, რომ ჩვენ შევდივართ ძალიან სერიოზულ ტალღაში.

ახლა, დღეს და გუშინდელი მონაცემებით დაახლოებით იმეორებს ის, რაც მაისის პიკზე გვქონდა და რაც ნოემბრის დასაწყისში.

პირბადე აუცილებელია ყველა დახურულ შენობაში – მოეშვა ხალხი. ასევე შემოდის რეგულაცია, რომ ღია სივრცეებში – იქ, სადაც ვიკრიბებით 5-6 ადამიანი ერთად, ყველას უნდა გვეკეთოს პირბადე. ამიტომ, ვისგანაც იღებთ ხოლმე ინტერვიუს დააკვირდით, რომ ყველას ეკეთოს პირბადე.

დღევანდელი ეპიდსიტუაციის გაუარესებას გააჩერებს 2 რამ:
1. წესების დაცვა, რომ არ გვინდა ცოტახანს თავი შევიკავოთ ქორწილებზე, ჭირისუფლებზე, დიდ დაბადების დღეებზე, დიდ თავშეყრებზე, დიდ კონცერტებზე და ა.შ.
2. ავიცრათ ყველა!

უნდა ვიყოთ მეტად სოლიდარული და შევხედოთ იმიტომ, რომ თუ ასე გაგრძელდა – გაუარესება, რა თქმა უნდა, დაავადებათა კონტროლის ცენტრი უწყებათაშორის საკოორდინაციო საბჭოში შევა რეკომენდაციით რეგულაციების კიდევ უფრო გამკაცრებაზე“, – განაცხადა ამირან გამყრელიძემ.

ავტორი
ნინი ხიჯაკაძე

კომენტარები