,,სტრატეგია აღმაშნებლის’’ გენერალური მდივანი პაატა მანჯგალაძე პარლამენტში მომხდარი ფაქტის შემდეგ მმართველი პარტიის შეფასებისას აცხადეს, რომ ,,ქართული ოცნება’’ იმიტომ ძალადობენ ადამიანებზე, ებრძვიან ჟურნალისტებს, თავისუფალ სიტყვას, რომ არ უნდათ, მათზე სიმართლე ითქვას:
,,ქართული ოცნება’’ არის ბოლომდე ლუსტრირებული, პირდაპირ შეგვიძლია ვთქვათ. ისინი ებრძვიან ჟურნალისტებს, თავისუფალ სიტყვას, რადგან ისინი იპარავენ და უნდათ, რომ არავინ ისაუბროს ამაზე, რომ ისინი იპარავენ! ისინი ძალადობენ ადამიანებზე და ძალადობენ თავისუფალ სიტყვაზე იმიტომ, რომ არ დარჩეს ადამიანი, ვინც ამაზე ისაუბრებს! ისინი ნერგავენ შიშს იმიტომ, რომ ეშინოდეს საზოგადოებას სიმართლის თქმის და სწორედ ამიტომ იყო იერიში მიტანილი თავისუფალ სიტყვაზე და ჟურნალისტებზე!
ამასთან ერთად ,,ქართული ოცნება“ ნერგავს ფსევდოსახელმწიფოებრივ და ფსევდოეკლესიურ სწავლებას, რაც გამოიხატება იმაში, რომ პატრიოტიზმს დაარქვეს შიში – ჩვენი მტრის, ოკუპანტის არ გაღიზიანება. პატრიოტიზმი დაარქვეს ევროკავშირის დროშის დაწვას. პატრიოტიზმი დაარქვეს ჩვენი ელჩების, მხარდამჭერი სახელმწიფოების ლანძღვა-გინებას და ამას, პირდაპირ შემიძლია ვთქვა, არაფერი არ აქვს ჩვენს სახელმწიფო ინტერესთან.
უფრო მთავარი: ისინი საუბრობენ თითქოს იცავენ ქრისტიანობას და პირდაპირ შემიძლია ვთქვა – ძალადობას, სუსტის დაჩაგვრას და ამას არაფერი საერთო არა აქვს ქრისტიანობასთან. ამიტომ გავიმეორებ, რაც თქვა გიორგი ვაშაძემ: დიახ, ,,ქართული ოცნება“ ბოლო ქმედებებით თავად იქცა ანტისახელმწიფოებრივ და ანტიქრისტიანული მიმართულების მთავარ იდეოლოგად საქართველოში“, – განაცხადა პაატა მანჯგალაძემ.
ავტორი
ნინი ხიჯაკაძე
