,,სტრატეგია აღმაშენებლის“ ლიდერმა გიორგი ვაშაძემ პარლამენტში გამართულ ბრიფინგზე, დღეს საკანონმდებლო ორგანოში მომხდარი ფაქტების თაობაზე ისაუბრა. ოპოზიციონერი ლიდერის აზრით, შს მინისტრი გაექცა შეკითხვებს, ხოლო მმართველი პარტიის შეფასებისას აცხადებს, რომ ,,ქართული ოცნების“ ანტისახელმწიფოებრივი ძალაა:
,,კიდევ ერთხელ ვიტყვი, რომ ,,ქართული ოცნება“ ეს არის ანტისახელმწიფოებრივი, ანტიქრისტიანული ძალა, რომელიც ძალადობს საკუთარ მოქალაქეებზე, რომელიც ახალისებს და გეგმავს ძალადობას.
ბატონმა გომელაურმა, დამალა მთელი პოლიცია, როცა ქუჩაში ძალადობდნენ ჟურნალისტებზე, მაგრამ ახლა – დღეს, როდესაც ის მოდიოდა პარლამენტში ეტყობა ძალიან ეშინოდა და სამართალდამცავების უზარმაზარი ,,კორდონები“ შემოგვარტყა, ამ შენობის გარშემო.
მაშინ პოლიციას არ ეცალა იმისთვის, რომ ჟურნალისტები დაეცვა. დღეს პოლიციას ეცალა იმისთვის, რომ ერთი შს მინისტრი, რომელიც პარლამენტში მოდიოდა, მისი დაცვის დიდი ალყა, ალაყაფი შემოერტყა პარლამენტისთვის.
რაც ყველაზე სამწუხაროა, დღეს ის გაიპარა. დღეს ის გაექცა შეკითხვებს. ჟურნალისტების პროტესტი თურმე მას უხერხულობას უქმნის, როცა უხერხულობას არ უქმნიდა ჟურნალისტებზე ძალადობა.
ჩვენმა ფრაქციამ 5 ივლისამდე დავიბარეთ ეს ადამიანი – არ მოვიდა. იმიტომ, რომ იცოდა ის დაგეგმილი ძალადობა, რომლის მომსწრენიც ყველანი გავხდით.
ამიტომ ერთიანი ძალისხმევით აუცილებლად ავხდით ფარდას ,,ქართული ოცნების“ მოძალადე, ანტისახელმწიფოებრივ ქმედებებს“, – განაცხადა გიორგი ვაშაძემ.
ავტორი
ნინი ხიჯაკაძე
