ხუთშაბათი, მარტი 28, 2024

“იყო ღამე, გახდა დღე – ნათელი” – ირაკლი ღარიბაშვილი

საქართველოს პრემიერ-მინისტრი ირაკლი ღარიბაშვილი კომენტარს აკეთებს სასამართლო რეფორმის საკითხზე და აღნიშნავს, დღეს სასამართლო რომ პროკურატურის დანაყოფი არ არის, ,,ქართული ოცნების” დამსახურებაა:

,,როცა მოვედით ჩვენ ხელისუფლებაში – 2012 წელს, გავაკეთეთ ძალიან დიდი რეფორმა სასამართლოში, რომლის შედეგადაც ძალიან დიდი პროგრესი იქნა მიღწეული.

თქვენ კარგად მოგეხსენებათ, მეგობრებო, ჩვენ კარგად გვახსოვს რა ქვეყანაში ვცხოვრობდით. 2012 წლამდე სასამართლო იყო ჩვეულებრივი პროკურატურის დანაყოფი.

მე, სამწუხაროდ და ძალიან მიკვირს, არ მომისმენია არასოდეს არც ამერიკის, არც ევროპის კრიტიკული შენიშვნა იმდროინდელი სასამართლოს მიმართ, რაც რა თქმა უნდა, სამწუხაროა და არ არის სამართლიანი. მეორეს მხრივ, ჩვენ ამ პროცესს ვაგრძელებთ. ჩვენ განვაცხადეთ, რომ ვაგრძელებთ ფართო მასშტაბიან სასამართლო რეფორმას, რომელიც არიც განგრძობითი პროცესი – არ მთავრდება ერთ და ორ დღეში. ჩვენ არ ვამბობთ, რომ ვართ იდეალური და უშეცდომონი, მაგრამ ეს არის პროცესი.

ჩვენ, რაც გავაკეთეთ 8 წელში არის, როგორც დღე და ღამე. იყო ღამე გახდა დღე, ნათელი.

მეორე – ჩვენ სასამართლოს დამოუკიდებლობის, გამჭვირვალეობის კუთხით ვუსწრებთ ევროკავშირის ძალიან ბევრ ქვეყანას. სანდოობის მხრივ, სასამართლოს მიმართ მოქალაქეების ნდობის მხრივ ვართ მოწინავე რიგებში ევროკავშირის მასშტაბით“, – განაცხადა ირაკლი ღარიბაშვილმა.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული