“76 ხმა როგორ უნდა მოვაგროვოთ, რომ უნდობლობა გამოვუცხადოთ მთავრობას?! გვასესხებს თუ გვათხოვებს ,,ქართული ოცნება 12 ხმას?” – ალეკო ელისაშვილი

ოპოზიციამ საპარლამენტო საქმიანობებზე ბოიკოტი გამოაცხადა, თუმცა მუშაობა გარკვეულ კანონპროექტებზე მაინც გაგრძელდება და ამასთან მთავრობის გადადგომას მოითხოვს. პარტია ,,მოქალაქეების“ თავმჯდომარე ალეკო ელისაშვილს მთავრობისადმი უნდობლობის გამოცხადება განუხორციელებლ ინიციატივად მიაჩნია:

,,მინდა ოპოზიციის ერთი ნაწილის გასაგონად ვთქვა და ,,ლელოს“ გასაგონად, პირველ რიგში, რომ სანამ რამეს დააბრეხვებენ ჩვენთან გაიარონ, ელემენტარული კოლეგიალობა გამოავლინონ, დანარჩენ ოპოზიციასთან გაიარონ კონსულტაცია და კანონს მაინც ჩავხედოთ ერთად.

გამორიცხულია, 64 ხმა გვაქვს ოპოზიციას. 76 ხმა როგორ უნდა მოვაგროვოთ, რომ უნდობლობა გამოვუცხადოთ?! გვასესხებს თუ გვათხოვებს ,,ქართული ოცნება“ 12 ხმას? თუ ვიქირაოთ, დროებით, 1 დღით?

სისულელეა და ასეთ სისულელეზე დროს და ენერგიას რატომ ვკარგავთ?“, – განაცხადა ალეკო ელისაშვილმა.

ავტორი
ნინი ხიჯაკაძე