“ღარიბაშვილი რისკის შემცველია სახელმწიფოსთვის, ჩვენი თითოეული სიცოცხლისთვის იმიტომ, რომ დღეს ისევ ეკეკლუცებოდა იმ ბნელეთს, რომელმაც აქ სასაკლაო მოაწყო!” – ნინო ჯანგირაშვილი

ტელეკომპანია “კავკასიის” გენერალური დირექტორი, ნინო ჯანგირაშვილი თბილისში მმომხდარი ძალადობის ფაქტების შეფასებისას აცხადებს, რომ 5 ივლისს განვითარებული მოვლენები და ლექსო ლაშაქარავას გარდაცვალება არის ირაკლი ღარიბაშვილის პასუხისმგებლობის ქვეშ და ეს ადამიანი წარმოადგენს რისკს საქართველოსთვის:

,,ღარიბაშვილმა დღეს გააგრძელა კი არა, უფრო გაამწვავა ის რიტორიკა, რასაც ადამიანის სიკვდილი მოჰყვა და ათეულობით ჟურნალისტის თავ-პირის დალეწვა.

ეს ანტისახელმწიფოებრივი ადამიანი უნდა წავიდეს თანამდებობიდან. ის რისკის შემცველია სახელმწიფოსთვის, ჩვენი თითოეული სიცოცხლისთვის იმიტომ, რომ დღეს ისევ ეკეკლუცებოდა იმ ბნელეთს, რომელმაც აქ სასაკლაო მოაწყო.

ერთადერთი მისი საყრდენი დღეს არის ეს ძალა და ის თანამდებობაზე კიდევ რჩება იმისთვის, რომ თავიდან აირიდოს შემდგომში სისხლისსამართლებრივი პასუხისმგებლობა.

ის უბრალოდ აყალბებს ამ საქმეს. გარდაცვლილ ჩვენ კოლეგას ყოველდღიურად ტალახში სვრიან. მას შემდეგ, რაც მისი ცხედარი გაიტაცეს, თხზავენ ათას ვერსიას, ტროლები/ბოტებით, პირდაპირ/არაპირდაპირ და გარდაცვლილ ადამიანს აყენებენ კიდევ შეურაცხყოფას.

ბრძოლა მაინც გაგრძელდება – როგორ და რანაირად ამას ვნახავთ ჩვენ ყველა, მაგრამ ღარიბაშვილი წავა აუცილებლდ და ჩვენ ამას მივაღწე!“, – განაცხადა ნინო ჯანგირაშვილი.

ავტორი
ნინი ხიჯაკაძე