ტელეკომპანია ,,პირველის“ ჟურნალისტი ინგა გრიგოლია ლექსო ლაშქარავას ტრაგიკულ სიკვდილ გარდაცვალებასთან დაკავშირებით საუბრობს და აღნიშნავს, რომ ყველაფერს გააკეთებს, რათა ყველა დამნაშავე სათანადოდ დაისაჯოს:
,,პასუხისმგებელი არის ყველა, ვინც გააკეთა ეს, ვინც დაგეგმა ეს, ვინც წააქეზა და წაახალისა ეს ძალადობა – ყველა არის პასუხისმგებელი.
მე მოგიყვებით ბოლოს რა მითხრა, რომ ველაპარაკე, სტრასბურგში უნდა ვიჩივლოო. მე ვუთხარი ყველაფერს გავაკეთებ, არ ინერვიულო, შენ გვერდით ვარ-თქო.
ახლა გარდაცვლილ ლექსოს მინდა ვუთხრა, რომ მე – ერთი ადამიანი, ყველაფერს გავაკეთებ იმისთვის, რომ პასუხი აგოს ყველამ.
მე ახლა მომიყვა ლექსოს დედამ, როგორ წაიყვანეს ის ექსპერტიზაზე. მე მაქვს უბრალოდ კითხვა: სად ეჩქარებოდათ?! – ,,ცელოფანში“ რომ ჩატენეს მისი ცხედარი, ლიფტში რომ შეიტანეს, იქ, რომ გაიჭედა და მერე კიბეებზე…
სად გეჩქარებოდათ?! – ვისაც ეს ეხება: რატომ გადაწყვიტეთ ასეთი სიჩქარე?! რისი დაწერა უნდათ?! რა უნდათ?! რას გეგმავენ?!
ეს არის ყველას თქვენი პასუხისმგებლობა.
მე ვაძლევ ლექსოს პირობას, რომ ყველაფერს გვერდით გადავდებ, არაფერი აღარ მაინტერესებს, ყველა აგებს პასუხს“, – განაცხადა ინგა გრიგოლიამ.
ავტორი
ნინი ხიჯაკაძე
