“მთავარი არხის” გენერალური დირექტორი, ნიკა გვარამია სოციალურ ქსელში პოსტს აქვეყნებს, სადაც განმარტებას აკეთებს დაკავებული თანამდებობიდან მისი გათავისუფლების თაობაზე გავრცელებულ ინფორმაციაზე:
“მეგობრებო, ყველას რომ ცალცალკე არ გავცე პასუხი, აქ დავწერ:
იმას რომ თავი დავანებოთ, რომ სრული აბსურდია, არსად წასვლას არ ვაპირებ და თან ეს ინფორმაცია ცალსახად გამიზნულია ჩვენი არხის შიგნით არაჯანსაღი გარემოს შესაქმნელად, მინდა დავამშვიდო ყველა – მტერიც და მოყვარეც – სუფთა ტექნიკურადაც, წილების კომპოზიციის და წესდების გათვალისწინებით, ჩემი გათავისუფლება ჩემივე თანხმობის გარეშე, შეუძლებელია 🤓✌️
ასე რომ, ტყუილად სულელურ მდგომარეობაში ნუ ჩაიგდებთ ნურც საკუთარ თავს და ნურც სხვას ჩააგდებთ უხერხულ მდგომარეობაში“, – წერს ნიკა გვარამია ფეისბუქის პირად გვერდზე.
