საქართველოს პრემიერ-მინისტრმა ირაკლი ღარიბაშვილმა თავისი პოზიცია დააფიქსირა 5 ივლისს ჟურნალისტებზე განხორციელებულ ძალადობასთან დაკავშირებით და განაცხადა, რომ ეს არის დასაგმობი და ყოვლად მიუღებელი ფაქტი:
,,მე მინდა პირველ რიგში გითხრათ, რომ, რა თქმა უნდა, ჩემთვის არის ყოვლად მიუღებელი ის ძალადობა, რაც ჩვენ გუშინ ვიხილეთ – მე მინდა საჯაროდ დავგმო ეს ფაქტი.
კატეგორიულად მიუღებელი არის ის, რაც მოხდა გუშინ. ჟურნალისტებზე ძალადობა არის მიუღებელი და დასაგმობი.
პოლიცია მუშაობს ძალიან აქტიურად. დღეს დილით უკვე 3 პირი დააკავეს, გუშინაც მოხდა რამდენიმე ადამიანის დაკავება ადმინისტრაციული წესით. ყველა პირის იდენტიფიცირება მოხდება და ყველა იქნება დასჯილი, ვინც ეს ძალადობა ჩაიდინა“, – განაცხადა ირაკლი ღარიბაშვილმა.
ავტორი
ნინი ხიჯაკაძე