საქართველოს პრემიერ-მინისტრმა ირაკლი ღარიბაშილმა მთავრობის ადმინისტრაციაში ჩატარებულ ბრიფინგზე აღნიშნა, რომ ქვეყანაში უკვე შემოვიდა ვაქცინის 1 მილიონი დოზა, ხოლო წლის ბოლომდე დაანონსებულია 4 000 000 დოზამდე ვაქცინის შემოტანა:
,,მე მინდა, ჩვენს მოსახლეობას ვაცნობო ძალიან მნიშვნელოვანი პოზიტიური ინფორმაცია, დღეს ჩვენ ჩამოგვივიდა 1 000 000 დოზა ვაქცინა. ეს არის ჯანმრთელობის მსოფლიო ორგანიაციის აღიარებული ავტორიზებული ჩინური ვაქცინები, რომელსაც ჩვენი მოსახლეობა კარგად იცნობს – ,,სინოფარმის“ და ,,სინოვაკის“ ვაქცინები.
1 000 000 დოზა უკვე არის ადგილზე. ჩვენ ახლა ვართ მზად, რომ ორშაბათიდან დავიწყოთ მასობრივი ვაქცინაციის პროცესი.
აქვე მინდა, მოსახლეობას დამატებითი ინფორმაცია მივაწოდო შემდეგი დოზების შემოსვლის თაობაზე. მოგეხსენებათ, ბოლო რამდენიმე თვის განმავლობაში ჩვენ აქტიურად ვიმუშავეთ პირდაპირ უშუალო მწარმოებლებთან. ისე, როგორც მოხდა ამ ჩინური ვაქცინების შემთხვევაში ,,სინოფარმთან“ და ,,სინოვაკთან“, ჩვენ აქტიურად ვაწარმოეთ მოლაპარაკებები და დავასრულეთ წარმატებით. დამატებით 1 მილიონ დოზას კიდევ ველოდებით და ალბათ 1 თვეში შემოვა: 500 000 დოზა ,,სინოფარმი“ და 500 000 დოზა ,,სინოვაკი“. ჯამში 2 მილიონი გვაქვს უკვე შეკვეთილი.
ამას გარდა მე გეტყვით, რომ ,,ფაიზერთან“ ჩვენი წარმატებული მოლაპარაკების შედეგად ასევე მივაღწიეთ შეთანხმებას, სადაც კონტრაქტი არის გაფორმებული, ფული გადახდილი გვაქვს 1 მილიონი დოზის თაობაზე. ასევე ,,ფაიზერიც“ ეტაპობრივად დაიწყებს მოწოდებას ივლისიდან. ჯამში ჩვენ ველოდებით, რომ წლის ბოლომდე დაახლოებით 4 მილიონამდე დოზას მივიღებთ“, – განაცხადა ირაკლი ღარიბაშილმა.
ავტორი
ნინი ხიჯაკაძე
