,,ლელო – საქართველოსთვის“ თავმჯდომარემ მამუკა ხაზარაძემ კომენტარი გააკეთა ხელისუფლის მხრიდან ოპოზიციონერ ლიდერებთან მიმართებაში სასამართლო პროცესების განახლებასთან დაკავშირებით და კონკრეტულ მიზეზებთან დაკავშირებით საუბრობს:
,,ფაქტია, რომ ხელისუფლება ძალიან შეშინებულია ბიძინა ივანიშვილის მეთაურობით. ფაქტია, რომ ჩვენმა გააქტიურებამ პარლამენტში, განსაკუთრებით ანტიკორუფციული მიმართულებით, საკმაოდ სერიოზული შიში გამოიწვია ხელისუფლებაში. ასევე, სასამართლო კლანში იმ განცხადებებმა, რომლებიც ,,ლელოს“ დელეგაციის დროს გაჟღერდა შეერთებულ შტატებში სენატორებისგან, რომ დაწყებულია მუშაობა მოსამართლე კლანის წევრების სანქცირებაზე და ეს აუცილებლად მოხდება.
მე ამის პირობს გაძლევთ, რომ ამ ქვეყანაში დავასრულებთ ამ ერთმმართველობას და პოლიტიკური საქმეების ასე შეკერვას. ჩვენი განწყობა არის ზუსტად ისეთივე როგორიც იყო პირველ დღეს.
მთელმა მსოფლიომ, არ დარჩენილა არც ერთი საერთაშორისო ექსპერტი თუ ორგანიზაცია დაწყებული აშშ-ის სახელმწიფო დეპარტამენტიდან, დამთავრებული ნებისმიერით – არ ეთქვას, არ დაეწეროს, არ გამოექვეყნებინოს, რომ ეს საქმე არის პოლიტიკურად მოტივირებული და არ აქვს არანაირი დანაშაულის ნიშნები.
ეს არის, კიდევ ვიმეორებ, შეშინებული ხელისუფლება და შეშინებული კლანის მოქმედება“, – აცხადებს მამუკა ხაზარაძე.
ავტორი
ნინი ხიჯაკაძე
