პოეტი რეზო ამაშუკელი, პრაიდთან მიმართებაში მწვავე შეფასებებთან ერთად, პარტიის შექმნის დაანონსებას ერთგვარი ირონიული თუ დამცინავი ხასიათის ვიდეომიმართვით ახდენს, სოციალურ ქსელში:
“მე მინდა ახალი, მშვენიერი ამბავი მოგახსენოთ, ვქმნი პოლიტიკურ პარტიას!
ჩემი წარმომადგენლები მალე მივლენ ისეთ ადამიანებთან, რომლებიც ძალიან რეიტინგულები არიან და ძალიან პოპულარულები.
მე მინდა, რომ ჩემგან შეთავაზებული ეს პროექტი მიიღონ და პარტიის თავმჯდომარე იყოს გია სურამელაშვილი, ხოლო გენერალური მდივანი – ჩვენი ჯაჯო (გია ჯაჯანიძე, რედ.), რომელსაც სიმღერა მიუძღვნა ლეგენდარულმა რეი ჩარლზმა (მხედველობაში აქვს სიმღერა „Georgia”, რედ.). მე კი ვიქნები ჯაჯოს მოადგილე.
მე იმიტომ მინდა მაგათთან ვიყო, რომ დარწმუნებული ვარ მათ ქართველობაში და ვაჟკაცობაში, უხ და ოხ.
ამიტომ ვაანონსებ, რომ ჩვენ მალე შევაზანზარებთ ქართულ პოლიტიკას, შევა-ზანზარებთ, ზანზარ-შევა-ზანზარებთ, „ჩერესჩურ“ – როგორც მეგრელები იტყვიან, შიგ შევაზანზარებთ.
ახლა კი არივედერჩი,” – მიმართავს საზოგადოებას რეზო ამაშუკელი.
