ხუთშაბათი, მარტი 28, 2024

“ჩვენ ახლა გავდივართ ე.წ. “ოქროს შუალედს” ანუ “დანის პირზე” მივდივართ“- ამირან გამყრელიძე

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა ამირან გამყრელიძემ განაცხადა, რომ ,,დელტა“ შტამის გავრცელება უფრო ინტენსიური ხდება, ხოლო ქვეყანაში მისი მაჩვენებელი დაახლოებით 10%-დან 20%-მდე მერყეობს, შესაბამისად აუცილებელია რეგულაციების დაცვა:

,,სხვადასხვა პროგნოზირების მაჩვენებლებით როგორც საერთაშორისო ინსტიტუციების, ასევე ჩვენი მოდელირებით ვფიქრობთ, რომ დღეს 10-20%-მდე შეიძლება მერყეობს ,,დელტა“ შტამის ცირკულაცია ქვეყანაში.

მოგეხსენებათ, ეს პროგნოზირებადი იყო იმდენად რამდენადაც ,,დელტა“ შტამი თანდათან ბრიტანეთში და ევროპის რიგ ქვეყნებში ანაცვლებს ე.წ. ბრიტანულ შტამს და მისი გავრცელება სულ უფრო და უფრო ინტენსიური ხდება.

დღევანდელი მონაცემით, თუ არ ვცდები, 85 ქვეყანაში არის უკვე დაფიქსირებული. აქედან გამომდინარე, რა თქმა უნდა, მეტი სიფრთხილე გვმართებს, მეტად დაცვა იმ რეკომენდაციების და რეგულაციების, რაც არსებობს ქვეყანაში.

ჩვენ ახლა გავდივართ ე.წ. ოქროს შუალედს ანუ დანის პირზე მივდივართ: ერთის მხრივ, ზაფხულია – ეკონომიკა მეტად იხსნება და აუცილებელია, რომ მეტი თავისუფლება მიეცეს ეკონომიკას, მაგრამ მეორეს მხრივ, აუცილებელია ყველა რეკომენდაციის და რეგულაციის დაცვა, რომ ეპიდსიტუაცია  არ გაუარესდეს. ჯერ-ჯერობით ეპიდსიტუაცია ივნისში სტაბილურია, ბოლო 2-3 კვირის განმავლობაში, ინციდენტობის მაჩვენებლით 100 ათას მოსახლეზე, ასევე დადებითობის მაჩვენებლით, თითქმის ერთ დონეზე მერყეობს“, – განაცხადა ამირან გამყრელიძემ.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული