,,სტრატეგია აღმაშენებლის“ ლიდერი გიორგი ვაშაძე კონკრეტულ მონაცემებს აყალიბებს ირაკლი ღარიბაშვილის პირველი პრემიერობიდან მეორე პრემიერობის შუალედამდე მომხდარ ეკონომიკურ რღვევაზე და აღნიშნავს, რომ მმართველმა ხელისუფლებამ უახლოეს მომავალში უუნდა დატოვოს ქვეყნის მართვის სადავეები:
,,მართლა ერთი კითხვა გამიჩნდა – სად გადის ტყუილის, ცინიზმის ზღვარი ზოგადად? უბრალოდ, მოქალაქეები მოისმენენ ამას და თქვენ მართლა ამ ქვეყანაში ცხოვრობთ, სადაც ასე კარგად არის ყველაფერი?!
- ვალები დაგვადეს, სესხით/ვალით ყიდულობს ხალხი პურს, საჭმელს, წამალს – პენსიონერი, ახალგაზრდა;
- 200 000 ადამიანი გაიქცა ქვეყნიდან ბატონი ირაკლის პირველი პრემიერობიდან მეორე პრემიერობამდე შუალედში;
- 25 მლრდ აიღეს სახელმწიფო ვალი.
მართლა გულწრფელად მაინტერესებს, სად გადის ტყუილის და ცინიზმის ზღვარი?! ინფრასტრუქტურაზე გველაპარაკება და 1 საათით დავაჩქარეთო ბათუმამდე გზა, ალბათ სამტრედია-გრიგოლეთი გამორჩა, ხო? მათი კორუფციული სქემიდან ბიუჯეტიდან ფული რომ გაქრა და არ არის დამთავრებული.
- გვეუბნებოდა ლოჯისტიკურ ჰაბზე და ალბათ დაავიწყდა, რომ მილიარდ ორასი მილიონი რკინიგზამ ზიანი მიაყენა საქართველოს;
- გვეუბნებოდა დასაქმებაზე და ალბათ დაავიწყდა, რომ საქართველოში 130$-დან მისი პირველი პრემიერობიდან მეორე პრემიერობამდე 100$-მდე შემცირდა საშუალო შემოსავალი თითო ადამიანზე – ანუ შემოსავალი დასაქმებულზე.
რა ვქნათ?!
– მე ვფიქრობ, მეგობრებო, ერთადერთი გზა არის, რომ აუცილებლად! რაც შეიძლება სწრაფად, ეს ტყუილი, ეს ცინიზმი რომ დავასრულოთ!
– უნდა გავუშვათ ეს ხალხი ხელისუფლებიდან ოქტომბერში, რეფერენდუმი, სადაც უნდა გავიმარჯვოთ“, – განაცხადა გიორგი ვაშაძემ.
ავტორი
ნინი ხიჯაკაძე
