“არაფერი გაგიკეთებიათ იმისთვის, რომ ეს უმრავლესობა, თქვენ და თქვენი ჩინოვნიკები შეინახოს საქართველოს მოსახლეობამ!” – პაატა მანჯგალაძის მიმართვა ირაკლი ღარიბაშილს

,,სტრატეგია აღმაშენებლის“ გენერალურმა მდივანმა პაატა მანჯგალაძემ საპარლამენტო სხდომაზე სიტყვით მიმართა ირაკლი ღარიბაშვილს და ურჩია გაითვალისწინოს მილიონ ასიათასი ადამიანის პოზიცია რომ მმართველი პარტიის წასვლის დროა:

,,თქვენი პრემიერობის პირველი ვადის დროს ბიძინა ივანიშვილმა განაცხადა, რომ თქვენ ხართ საკმაოდ ყოჩაღი – ერთზე მეტჯერ თქმა არ გჭირდებათ დავალების შესასრულებლად.
ასევე თქვა ივანიშვილმა, რომ თქვენ ხშირად მიდიოდით და ეკითხებოდით მას, წასვლის დრო ხომ არ მოვიდაო?

თუ თქვენ ახლა წარმოგვიდექით აქ პრემიერ-მინისტრად და ასე გრძნობთ თავს, ანგარიშვალდებულებას და პასუხისმგებლობას ქართველი ხალხის წინაშე, რატომ არასდროს არ ჰკითხეთ საქართველოს მოქალაქეებს, რომ ხომ არ იყო წასვლის დრო მოსული?

იმიტომ, რომ ყველა არჩევნები, რომლებიც ჩატარდა საქართველოში აჩვენა, ბოლო არჩევნებმა განსაკუთრებით, რომ მილიონ ასიათასმა ადამიანმა გითხრათ, რომ თქვენი წასვლის დრო არის მოსული, რადგან არაფერი გაგიკეთებიათ იმისთვის, რომ ეს უმრავლესობა, თქვენ და თქვენი ჩინოვნიკები შეინახოს საქართველოს მოსახლეობამ!“, – განაცხადა პაატა მანჯგალაძემ.

ავტორი
ნინი ხიჯაკაძე