პარლამენტი რეგლამენტში შესატან ცვლილებებს განიხილავდნენ. საკითხთან დაკავშირებით კომენტარი გააკეთა ,,სტრატეგია აღმაშენებლის“ გენერალურმა მდივანმა პაატა მანჯგალაძემ და აღნიშნავს, რომ უმრავლესობის მიერ ძალაუფლების არამართლზომიერად გამოყენების რისკების გამო, შარლ მიშელის დოკუმენტში განისაზღვრა დეპუტატებისთვის უფლებასმოსილების შეზღუდვა/შეჩერების უფრო მაღალი ქვორუმი:
,,ჩვენ ვიცით, რომ აქამდე პარლამენტის დადგენილებით ხდებოდა იმუნიტეტის მოხსნა პოლიტიკურად მიუღებელი პირებისთვის – მათ შორის ნიკა მელიას მაგალითიც საკმარისია.
იმისთვის, რომ არ მოხდეს უმრავლესობის მიერ უმცირესობის აქტიური დეპუტატებისთვის უფლებასმოსილების შეზღუდვა/შეჩერება – შარლ მიშელის დოკუმენტმა გაითვალისწინა უფრო მაღალი ქვორუმი.
მე პირადად იმუნიტეტი არაფერში არ მჭირდება, როცა იქნება დამოუკიდებელი სასამართლო, დემოკრატიის უფრო მაღალი სტანდარტი.
პირიქით ,,სტრატეგია აღმაშენებელი“ ფიქრობს, რომ ის უფლებამოსილებები და ასე ვთქვათ, იმუნიტეტის სპეციალური რეგულაციებიც უნდა მოვხსნათ და გაუთანაბრდეს ჩვეულებრივ მოქალაქეს“, – განაცხადა პაატა მანჯგალაძემ.
ავტორი
ნინი ხიჯაკაძე
