საპარლამენტო ფრაქცია „ლელო – პარტნიორობა საქართველოსთვის“ წევრი, სალომე სამადაშვილი ეხმიანება ტელეკომპანია “პირველის” ეთერში გასულ რეპორტაჟს, პრემიერ-მინისტრი ირაკლი ღარიბაშვილის ნათესავების საჯარო სამსახურში დასაქმებასთან დაკავშირებით და აცხადებს, რომ ფული, რომელიც ხალხის ჯიბიდანაა ამოღებული საზოგადოების კეთილდღეობას არ ხმარდება:
„პირდაპირ ხალხის ჯიბიდან აღებული ფული, იმისთვის კი არ იხარჯება, რისთისაც უნდა იხარჯებოდეს: განათლება, ინფრასტრუქტურის განვითარება და სხვა საზოგადოებრივი სიკეთე, არამედ იხარჯება „ქართული ოცნების“ მმართველი პირების ოჯახების კეთილდღეობაზე“, – განაცხადა სალომე სამადაშვილმა.
