,,მთავარი არხის“ ჟურნალისტი თამარ ბაღაშვილი იხსენებს 2019 წლის 20 ივნისის დარბევას და აღნიშნავს, რომ 2 წლის შემდეგაც არსებობს ბევრი შეკითხვა, გავრილოვის ღამესთან დაკავშირებით და მასზე პასუხი ხელისუფლებას კვლავ არ გააჩნია:
,,ის, რაც გვახსოვს ძალიან კარგად – 2008 წლის აგვისტოს ომი, ძალიან კარგად ვიცით რა არის რუსული ოკუპაცია, ალბათ არასოდეს არ შეეგუებოდნენ იმ სანახაობას, რაც იმ დღეს იყო პარლამენტში და მე იქ რომ არ ვყოფილიყავი, როგორც ჟურნალისტი ჩემი მოვალეობის შესასრულებლად, აუცილებლად ვიდგებოდი იმ აქციაზე, როგორც ამ ქვეყნის ერთ-ერთი მოქალაქე.
უბრალოდ მოხდა ისე, რომ მე იქ ვმუშაობდი ვაშუქებდი ამ მოვლენებს და ზუსტად იმ დროს მოხდა ის ფაქტი, რაზეც პრინციპში პასუხი დღემდე არ მაქვს.
2 წელი გავიდა და მე ჯერ კიდევ არვიცი რატომ არ მცნო ჩემმა ხელისუფლებამ, ამ ქვეყნის ხელისუფლებამ დაზარალებულად?! რატომ არ გამოიძია ეს საქმე და რატომ არ ვიცით დღემდე, არა მხოლოდ მე, ვინ ესროლა მაკო გომურს, გიორგი სულაშილს, კობა ლეთოდიანს და იმ ადამიანებს, ვისი ცხოვრებაც 20-მა ივნისმა სამუდამოდ შეცვალა?!“, – განაცხადა თამარ ბაღაშვილმა.
ავტორი
ნინი ხიჯაკაძე
