პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი ეხმიანება ტელეკომპანია “პირველის” ეთერში გასულ რეპორტაჟს, პრემიერ-მინისტრი ირაკლი ღარიბაშვილის ნათესავების საჯარო სამსახურში დასაქმებასთან დაკავშირებით და აღნიშნავს, რომ ასეთ პატარა ქვეყანაში ძალიან ძნელია იპოვო ისეთი ადამიანი, რომელსაც არანაირი კავშირი არ ექნება ცნობილ პირებთან:
,,დღეს ჩვენ ვართ იმ მდგომარეობაში, როდესაც ადამიანი შეიძლება დაბულინგდეს იმიტომ, რომ მას აქვს უნარი ან გახდეს მოსამართლე, ან ბიზნესმენი, ან სპორტსმენი, ან სახელმწიფო უწყებაში მომუშავე ადამიანი.
ის შეიძლება ბულინგის მსხვერპლი აღმოჩნდეს. იმიტომ, რომ მას ან გვარი აქვს ისეთი, რომელიც რომელიღაცა თანამდებობის პირის გვარს ემთხვევა, ან ნათესაობა გააჩნია, ან ინსტიტუტში ერთად უსწავლიათ, ან სკოლაში ერთად უვლიათ.
რა ვქვათ ამ 3 500 000-იან ქვეყანაში?! საიდან მოვიყვანოთ ჩვენ ის ადამიანები, რომლებსაც ამ 3 500 000-იან ქვეყანაში არც კლასელი, არც ნათესავი, არც მეგობარი, არც არავინ არ უნდა ჰყავდეს, ვისთანაც შეიძლება ცხოვრებაში როდესმე შეხება ჰქონია?!“, – განაცხადა ირაკლი ქადაგიშვილმა.
ავტორი
ნინი ხიჯაკაძე
