პარტია ,,საქართველოსთვის“ თავმჯდომარის, გიორგი გახარიასთან მიმართებაში უფრო და უფრო მწვავე პოზიციები ფიქსირდება ,,ქართულმა ოცნების“ ლიდერების მხრიდან. ამასთან, ყოფილი პრემიერი, ღიად დაადანაშაულეს 20 ივნისის სპეცოპერაციის არასწორად დაგეგმვაში. აღნიშნულთან დაკავშირებით კომენტარს აკეთებს პარლამენტის თავმჯდომარის პირველი მოადგილე გიორგი ვოლსკი:
,,ახლაც გულწრფელად ვარ, მაშინაც გულწრფელი ვიყავი. გახარიამ სახელმწიფო აარიდა ძალიან სერიოზულ საფრთხეს, მაგრამ ოპერაციის ჩატარების ნიუანსები არსებობს ისეთი, რომელიც, რასაკვირველია, შენიშვნებს იმსახურებს.
ის შენიშვნები, ის გულდაწყვეტა, ის სამართლიანი კამათი, რაც შეიძლება ყოფილიყო შიგნით გუნდში და ნორმალურია, უკვე გადაიზარდა სერიოზულ ეჭვებში, რომელსაც პოლიტიკური ხასიათი აქვს“, – განაცხადა გიორგი ვოლსკიმ.
ავტორი
ნინი ხიჯაკაძე
