,,ლეიბორისტული პარტიის” ლიდერი შალვა ნათელაშვილი გამოეხმაურა ,,ქართული ოცნების” მიერ მომზადებულ კანონონპროექტს იმის თაობაზე, რომ პოლიტიკური პარტიები პარლამენტში თუ არ შევლენ, ისინი ვერ ისარგებლებენ პოლიტიკური პლატფორმებისთვის განსაზღვრული პრივილეგიებით. ოპოზიციონერი ლიდერი მოუწოდებს პრეზიდენტს, მისი თქმით, უუფლებოს, მაგრამ მაინც ხელშეკრულების გარანტორს, რომ ამ შემთხვევაში გამოიყენოს ვეტოს უფლება:
,,ვერანაირმა ზეწოლამ ,,ლეიბორისტული პარტია“ ვერ აიძულა შესულიყო ივანიშვილის სახელობის პარლამენტში, გაეთეთრებინა გაყალბებული არჩევნების შედეგები და მიტაცებული, უზურპირებული ძალაუფლება.
სასჯელმაც არ დააყოვნა, პარლამენტის პლენარული სხდომა იხილავს, ფაქტიურად ,,ლეიბორისტული პარტიის“ საქმიანობის აკრძალვის თაობაზე კანონს, რომლის თანახმადაც, ჩვენ გვერთმევა კომისიებში დელეგირება, სარეკლამო უფლება, ის მათხოვრული დაფინანსებაც, რაც დაგვიტოვა მილიარდელმა ივანიშვილმა 20 ათასი ლარი თვეში, რომელიც სჭირდება ივანიშვილს ყოველდღე თავისი დანგრეული სხეულის მასაჟისათვის.
პარლამენტში შესულ ოპოზიციას მოვუწოდებ, რადგან ოლიგარქმა დაიწყო რეპრესიების ახალი ტალღა, გამოაცხადეთ ბოიკოტი და დატოვეთ პარლამენტი.
მოვუწოდებ პრეზიდენტს, უუფლებოს, მაგრამ მაინც გარანტორს ამ ხელშეკრულებისა, ევროპასთან შუამავალს – დაადე ვეტო აღნიშნულ კანონპროექტს, თუ იქნება მიღებული.
მოვუწოდებ ჩვენს მოკავშირეებს, ბრიუსელსა და ვაშინგტონში – ბოლოს და ბოლოს შობეთ და დაადეთ სანქციები ბიძინა ივანიშვილის მრავალ მილიარდიან ქონებას, რომელიც არის ჩვენთან მოპარული და თქვენთან გამოტანილი“, – განაცხადა შალვა ნათელაშვილმა.
ავტორი
ნინი ხიჯაკაძე
