გუშინ ,,ერთიანი ნაციონალური“ მოძრაობა პარლამენტში შევიდა, თუმცა შარლ მიშელის დოკუმენტს ხელი არ მოაწერეს. როგორც ნიკა მელია აღნიშნავს, პარტიამ ის გადაწყვეტილება მიიღო, რაც ჩათვალეს სწორად და ისინი აქტიურად ჩაერთვებიან საპარლამენტო საქმიანობაში:
,,ქართული ოცნება“ გუშინდელი სხდომისთვის მზად იყო თუ არა, მე ვფიქრობ, საერთოდ არ არის საინტერესო. თუმცა, შეიძლება დასკვნა გაკეთდეს, საზოგადოებას მივანდოთ ეს საკითხი. უბრალოდ ,,ქართული ოცნება“ ქვეყნის მართვისთვის რომ არ არის მზად და არც ყოფილა, მისი ხელისუფლებაში ყოფნის, არც ერთ ეტაპზე – ეს ნამდვილად არის, რბილად რომ ვთქვათ, გულდასაწყვეტი, დღევანდელი გადასახედიდან უკვე ტრაგიკული.
ამიტომ თითოეული დღე, რაც ,,ქართულ ოცნებას“ მიტაცებული აქვს ქვეყნის მმართველობის სადავეები, ეს არის ტრაგედია ამ სახელმწიფოსთვის და ამ ქვეყანაში მცხოვრები ყველა ადამიანისთვის, განურჩევლად მათი სოციალური სტატუსისა. ყველა ის ადამიანი, ვინც დღეს, ძალიან მცირე ნაწილი, არ განიცდის მატერიალურ სიდუხჭრეს და ასეთები არიან 2%, ისინიც კი არ არიან ბედნიერები. ,,ქართულმა ოცნებამ“ ეს შესაძლებლობაც კი გააქრო. შეიძლება ხელისუფლება ამა თუ იმ ეტაპზე იყოს წარუმატებელი, თუმცა ხედავდე პოტენციალს, განვითარების შანსს.
ამ ხელისუფლებას, რეჟიმს რაიმე სახის შესაძლებლობა თუ აქვს, აღარ გააუარესოს. ყოველ დღიურ რეჟიმში ეს ხელისუფლება უკან წევს თაობებს, ცლის ქვეყანას საქართველოს მოქალაქეებისგან.
კონკრეტული საკითხები, რომლებიც არის უმნიშვნელოვანესი, მონაწილეობას მივიღებთ.
ვიმეორებ, ჩვენ მივიღეთ ის გადაწყვეტილება, რომელიც ჩავთვალეთ საჭიროდ, რომ არის მისაღები. სხვა პარტიებმა და დიდი პატივისცემით, მათ მიიღეს ის გადაწყვეტილება, რომელიც მათ ჩათვალეს. გადაიფურცლა ეს გვერდი, მივდივართ წინ“, – განაცხადა პარტიის თავმჯდომარე, ნიკა მელიამ.
ავტორი
ნინი ხიჯაკაძე
