საზოგადოებრივი მოძრაობა ,,ერთობა, რაობა, იმედი”-ს (“ერი”) დამფუძნებელი ლევან ვასაძე მოითხოვს, რომ გადადგეს სახალხო დამცველი ნინო ლომჯარია და დაიწყოს საქმის გამოძიება ჟურნალისტებისა და არასამთავრობო სექტორის წინააღმდეგ, რომლებიც ტრადიციებს არ სცემენ პატივს:
,,გადადგეს ნინო ლომჯარია, დაკავებული თანამდებობიდან!
ჩვენ მოვითხოვთ, ის სახალხო დამცველი, რომელიც დაინიშნება მის ადგილზე ასახავდეს პატივისცემას, თავდახრას და თაყვანისცემას ჩვენი ქვეყნის ტრადიციების მიმართ.
ჩატარდეს გამოძიება და ყველა ის ჟურნალისტი/არასამთავრობო ორგანიზაციის წევრი, ვისაც წილი მიუძღვის ცილისწამებაში და შეურაცხყოფაში ჩვენი ტრადიციისა, დასჯილი იყოს კანონის შესაბამისად!
ერთ წამში შევიკრიბეთ რამდენიმე ასეული კაცი.
ეს მხოლოდ დასაწყისია იმისა, რაც თქვენ გელოდებათ!
ჭკუაზე მოდით, გონს მოეგეთ და ნუ ეთამაშებით ცეცხლს, თორემ ისეთი რამე დაგემართებათ, რომ ვერც კი წარმოიდგენიათ!“, – განაცხადა ლევან ვასაძემ.
ავტორი
ნინი ხიჯაკაძე
