საქართველოში აშშ-ს სახელმწიფო მდივნის მოადგილის მოვალეობის შემსრულებელი ფილიპ რიკერი ჩამოდის, რომელიც მოლაპარაკებას გამართავს ხელისუფლებასთან, ოპოზიციასა და მესამე სექტორთან. აღნიშნულ საკითხთან მიმართებაში კომენტარი გააკეთა პარტია ,,საქართველოსთვის“ პოლიტიკური საბჭოს წევრმა კახაბერ ქემოკლიძემ:
,,ამერიკელი პარტნიორების ჩართულობა იმ საკითხებთან დაკავშირებით, რომელიც დღეს საქართველოს დღის წესრიგში უდგას არის კრიტიკულად მნიშვნელოვანი, იმიტომ, რომ ჩვენ ვდგავართ ტექტონიკური გამოწვევების წინაშე, როგორც რეგიონალურ კონტექსტში, ისე შიდა პოლიტიკურში.
მიმდინარე პოლიტიკა, 19 აპრილის შეთანხმების შესრულება, სისტემური რეფორმების გატარება. მოგეხსენებათ, ქვეყანას აქვს განაცხადი გაკეთებული ფაქტიურად პოლიტიკურ დონეზე, რომ ჩვენ 2024 წელს უნდა გავაკეთოთ ოფიციალური განაცხადი ევროკავშირის წევრობაზე.
ეს იქნება ჩვეულებრივი პოლიტიკური სადღეგრძელო თუ, რა თქმა უნდა, 2024 წლამდე ჩვენ ვერ მივედით სისტემური რეფორმებით“, – განაცხადა კახაბერ ქემოკლიძემ.
ავტორი
ნინი ხიჯაკაძე
