,,ლეიბორისტული” პარტიის ლიდერი შალვა ნათელაშვილი გამოეხმაურა ,,ქართული ოცნების” მიერ მომზადებულ კანონონპროექტს იმის თაობაზე, რომ პოლიტიკური პარტიები პარლამენტში თუ არ შევლენ, ისინი ვერ ისარგებლებენ პოლიტიკური პლატფორმებისთვის განსაზღვრული პრივილეგიებით:
,,მსოფლიო პოლიტიკის ისტორიაში ადგილი აქვს პოლიტიკური პარტიის უპრეცედენტო დევნა, რეპრესიებს.
მას შემდეგ, რაც რეჟიმმა ვერაფრით ვერ გატეხა ,,ლეიბორისტული პარტია”, ვერ გვაღიარებინა დანაშაულებრივი პარლამენტი და ვერ შეგვიყვანა შიგ, წუხელ შუაღამისას, ივანიშვილის დავალებით პარლამენტის იურიდიულმა კომიტეტმა, მეორე მოსმენით კენჭი უყარა კანონპროექტს, ფაქტობრივად ,,ლეიბორისტული პარტიის” აკრძალვის შესახებ. რომლის თანახმადაც, აი ამ სამარცხვინო ორგანოში შეუსვლელობის შემთხვევაში, ჩვენ ჩამოგვერთმევა პოლიტიკური პარტიისათვის განკუთვნილი მსოფლიოში აღიარებული ყველა ის საკანონმდებლო პრივილეგია, რომლის გარეშეც პოლიტიკური ორგანიზაციის საქმიანობა შეუძლებელია. მხედველობაშია კომისიის წევრები, წარმომადგენლები, სარეკლამო დრო ტელევიზიაში, ის მათხოვრული მცირე დაფინანსება, რომელიც დაგვიტოვა რუსმა ოლიგარქმა და სხვადასხვა.
შექმნილ ვითარებაში მთელ პასუხისმგებლობას ვაკისრებ აშშ-ის ტრამპის მიერ დანიშნულ ელჩს საქართველოში ქალბატონ კელი დეგნანს, რომელიც გადაიქცა რუსი ოლიგარქის დავალებათა შემსრულებლად პოლიტიკურ პარტიებზე ზეწოლისათვის, რათა ისინი აიძულოს შევიდნენ პარლამენტში და ამით გადარჩეს პროპუტინისტური რეჟიმი.
ახლა კეთილი ინებოს ამ ქალბატონმა და როგორც პარტიები აიძულა შესულიყვნენ აი ამ დანაშაულებრივ პარლამენტში, ასევე აიძულოს თავისი მეგობარი, ბიძინა ივანიშვილი სანქციების მუქარით, რომ ეს კანონპროექტი შუბლზე გაიწეპოს“, – განაცხადა შალვა ნათელაშვილმა.
ავტორი
ნინი ხიჯაკაძე
