,,სტრატეგია აღმაშენებლის“ გენერალური მდივანი პაატა მანჯგალაძე ხელისუფლების მიერ მომზადებულ ამნისტიის კანონპროექტთან დაკავშირებით აღნიშნავს, რომ მასში არის რამდენიმე პუნქტი, რომელთა მიმართაც პარტიას აქვს პრინციპულად განსხვავებული პოზიციები:
,,პრინციპული სხვაობა არის ის, რომ ჩვენ არ ვეთანხმებით ხელისუფლების ჩანაწერს, რომელიც წინასწარ თანხმობას ითვალისწინებს ამნისტიაზე.
ესე შეიძლება განმარტებული იქნას და აქამდე პრეცენდენტი არ ყოფილა, რომ ამნისტირებულმა ადამიანმა წინასწარი თანხმობა განაცხადოს, ან უარი – არ უნდა ამნისტიაზე, ესეთი ჩანაწერით.
გასაჩივრების უფლება ისედაც ყოველთვის არსებობს, ეს ჩანაწერი იქნება თუ არა.
ხელისუფლება პრინციპულად არ ეთანხმება ჩვენს იმ ვერსიაში დაზარალებულის თანხმობის არსებობას. ჩვენ შეგვიძლია ამ ვერსიების განხილვა, რა თქმა უნდა. ამასთან ერთად ჩვენ გვქონდა წინადადება დაზარალებულების ინტერესებიდან გამომდინარე, რომ ყოფილიყო ასევე თანმდევი კანონპროექტი, რომელიც გაითვალისწინებდა დაზარალებულებისთვის ზიანის და რეაბილიტაციის ხარჯებს“, – განაცხადა პაატა მანჯგალაძემ.
ავტორი
ნინი ხიჯაკაძე
