“სამწუხაროდ, ვაქცინებთან დაკავშირებით, კვლავ არა გვაქვს მწყობრი სტრატეგია, გეგმა-გრაფიკი, ზუსტი რიცხვები და სახეობები – როდის შემოვა? რამდენი შემოვა?” – სერგო ჩიხლაძე

,,სტრატეგია აღმაშენებლის“ პოლიტიკური საბჭოს წევრი სერგო ჩიხლაძე ვაქცინაციის პროცესთან მიმართებაში სახელმწიფოს მხრიდან არაეფექტური მუშაობის შესახებ საუბრობს და აღნიშნავს, რომ ქვეყანაში შექმნილი ვითარებიდან გამომდინარე ეპიდაფეთქების მორიგ ტალღას უნდა ველოდოთ:

,,სამწუხაროდ, ვაქცინებთან დაკავშირებით, კვლავ არა გვაქვს მწყობრი სტრატეგია, გეგმა-გრაფიკი, ზუსტი რიცხვები და სახეობები – როდის შემოვა? რამდენი შემოვა?

პლიუს ამას ემატება ზაფხულის სეზონი, სახელმწიფოსა და შესაბამის უწყებებს არ შეუძლიათ ჯეროვანი მონიტორინგისა და კონტროლის ჩატარება არსებულ რეგულაციებზე.

აქედან გამომდინარე, სამწუხაროდ დარჩა ვაქცინაციის ფაქტობრივად ნულოვანი მაჩვენებელი იმიტომ, რომ როცა მოსახლეობის მხოლოდ 1% არის აცრილი იმ სამიზნე ჯგუფიდან, რასაც ნოემბერ-დეკემბერში უნდა მივაღწიოთ, ამის ფონზე, ცხადია, ჩვენ მორიგ ტალღებს უნდა ველოდოთ“, – განაცხადა სერგო ჩიხლაძემ.

ავტორი
ნინი ხიჯაკაძე