“კომპანიაში დასაქმებულ ადამიანებს მოვუწოდებთ, რომ არ მიიღონ ამ უკანონო და ანტისახელმწიფოებრივ პროცესში მონაწილეობა” – ვარლამ გოლეთიანი

რიონის ხეობის ერთ-ერთი მცველი ვარლამ გოლეთიანი, საპროტესტო აქციებთან დაკავშირებით, აცხადებს, რომ არ გასცდებიან კანონის ფარგლებს, თუმცა შეეცდებიან ახლოს მივიდნენ კომპანია “ENKA”-თან და ხელს შეუშლიან უკანონო სამუშაოების გაგრძელებას ხეობაში:

,,კანონის ჩარჩოებიდან ჩვენ არ და ვერ გავალთ. ვეცდებით, ამ ფარგლებში მოვახერხოთ კომპანიისთვის ხელის შეშლა, რომ სხვა უკანონო სამუშაოები ვერ განახორციელოს ხეობაში.

ჩვენ უბრალოდ მივუახლოვდებით მათ, ამას ნამდვილად ვუზრუნველყოფთ, რომ სამუშაოებთან ახლოს მივიდეთ. მათ შორის, კომპანიაში დასაქმებულ ადამიანებს მოვუწოდოთ, რომ არ მიიღონ ამ უკანონო და ანტისახელმწიფოებრივ პროცესში მონაწილეობა“, – განაცხადა ვარლამ გოლეთიანმა.

ავტორი
ნინი ხიჯაკაძე