საქართველოში გამოვლენილი კორონავირუსის ინდური შტამის შესახებ საუბრობს დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე:
“ტესტირებების შედეგად დადგინდა, რომ 5 ადამიანს კორონავირუსის “ინდური შტამი” დაუდასტურდა. ამ 5 ადამიანიდან 2 საქართველოს მოქალაქეა, ხუთივეს აქვს უცხოეთის ქვეყნებში და განსაკუთრებით განსაკუთრებით ახლო აღმოსავლეთში მოგზაურობის ისტორია. ისინი საქართველოში მაისის შუა რიცხვებში იყვნენ შემოსულები. ინფიცირებულების კლინიკური მდგომარეობა არის დამაკმაყოფილებელი, აქედან სამმა, რომლებიც იყვნენ უცხოელები, ქვეყანა უკვე დატოვა. საქართველოს მოქალაქეები იზოლირებულები არიან სახლის პირობებში და მათზე მიმდინარეობს მეთვალყურეობს. დაავადება მიმდინარეობს მსუბუქად.
ინფიცირებული საქართველოს მოქალაქეების კონტაქტები გამოკვლეულია და ისინიც იზოლირებულნი არიან.
ინდური და სხვა შტამების დასადგენად, ჩვენ გვაქვს სპეციფიკური PCR ტესტები, რომლებიც მოწოდებულია ჩვენი პარტნიორების მიერ, მაგრამ საბოლოო დიაგნოსტირება ხდება გენომის სეკვენირებით“, – განაცხადა ამირან გამყრელიძემ.
