პარლამენტის პლენარულ სხდომაზე სიტყვით გამოსვლისას, “სტრატეგია აღმაშენებლის” გენერალურმა მდივანმა, პაატა მანჯგალაძემ განმარტა პარლამენტში პარტია შევიდა არა ვინმეს დასამარცხებლად, არამედ გაჭირვებული ადამიანების ინტერესების განხორციელებისათვის:
„სტრატეგია აღმაშენებლის“ სახელით შემიძლია დავადასტურო, რომ ჩვენ პარლამენტში ვინმეს დამარცხებისთვის არ შემოვსულვართ. ჩვენ ცვლილებებისთვის შემოვედით, რომელსაც საზოგადოება ითხოვს.
ცვლილებები აუცილებლია, რათა გაიზარდოს ყველა არჩევითი ორგანოს ანგარიშვალდებულება და პასუხისმგებლობა ხალხის წინაშე. ადგილებზე ფიქციათა ქცეული თვითმმართველობები და ისინი ადგილობრივი კორუმპირებული ჩინოვნიკების სამსახურშია გადასული.
მართალია ჩვენ კონსტრუქციულები ვართ და გვინდა, რომ მაღალი პოლიტიკური კულტურა დავამკვიდროთ ქვეყანაში, მაგრამ როცა საქმე ეხება ხალხს, გაჭირვებულ ადამიანებს აქ კონსტრუქციულობაზე საუბარი არ შეიძლება“, – განაცხადა პაატა მანჯგალაძემ.
