“თქვენ ახლა აპირებთ მიიღოთ ამნისტია ბნელ ოთახში” – ანა ნაცვლიშვილი საპარლამენტო უმრავლესობას მიმართავს

ადამიანის უფლებათა დაცვის კომიტეტზე ორ კანონპროექტზე მსჯელობენ, რომლებიც ამნისტიასთანაა დაკავშირებული და შეტანილია „ქართული ოცნებისა“ და ოპოზიციის მიერ. მთავარი საკითხი იყო, ვის უნდა შეხებოდა ამნისტია და ვის არა. ამ თემასთან დაკავშირებით პარლამენტის ფრაქცია “ლელო-პარტნიორობა საქართველოსთვის” წევრი ანა ნაცვლიშვილი განცხადებას აკეთებს:

“ამ საკითხის განხილვა მოხდეს სახალხო დამცველის მოსმენის შემდეგ. იმ ორგანიზაციების მოსმენის შემდეგ, რომლებსაც დოკუმენტირებული აქვთ რა მოხდა 20 ივნისის შემდეგ და სამართლევბლივად ძალიან კარგად შეუძლიათ წარმოგვიდგინონ სურათი. ასევე კარგი იქნება, მე ვიცი, რომ კონკრეტულ საქმეზე ანგარიშის მოთხოვნის უფლება პარლამენტს არ აქვს, მაგრამ მნიშვნელოვანია მოვიდეს აქ მთავარი პროკურორი და ჩვენ ჩავჯდებით იმ ფარგლებში, რა ფარგლებშიც რეგლამენტი გვაძლევს ამის შესაძლებლობას, კითხვები დავუსვათ მას და მოვისმინოთ პასუხები. თქვენ როცა საუბრობთ, რომ ფურცელი უნდა გადაიშალოს, ფურცელი ჯერ უნდა დაიწეროს. თქვენ ახლა აპირებთ მიიღოთ ამნისტია ბნელ ოთახში, როდესაც არც კი ვეძიებით რა მოხდა“, – განაცხადა ანა ნაცვლიშვილმა.

ავტორი
თეკლა თოდუა