ქედაში ადგილობრივი და რეგიონული განვითარების კომიტეტის გასვლით სხდომაზე, რომელსაც ოპოზიციონერი დეპუტატებიც ესწრებოდნენ, სიტყვიერი დაპირისპირება მოხდა. “ქართული ოცნების” წარმომადგენლის, ირაკლი ზარქუას განცხადებას მიშელის დოკუმენტთან დაკავშირებით, “სტრატეგია აღმაშენებლის” თავმჯდომარე გიორგი ვაშაძე გამოეხმაურა:
“ხელი რომ არ მოგეწერათ იმ შეთანხმებაზე აქ არ ვიქნებოდით. სხვანაირი ტონალობით დავიწყეთ და თუ გააგრძელებთ მიიღებთ, ამიტომ ფრთხილად იყავით როცა ლაპარაკობთ. ყურით მოგიყვანათ 24 საათში, რომ ხელი მოგეწერათ შარლ მიშელის შეთანხმებაზე და ეს მთელმა საქართველომ იცის. ცოტა წყნარად იყავით, როდესაც განცხადებებს აკეთებთ” – მიმართა გიორგი ვაშაძემ.
ინფორმაციას “სტრატეგია აღმაშენებლის” პრესსამსახური ავრცელებს
კომენტარები - დატოვეთ თქვენი მოსაზრება